დასმული კითხვების პასუხებიდან დავადგინეთ, რომ გამოკითხულთა უმრავლესობა შეძენილი პროდუქტის ხარისხს არ ენდობა, თვლის, რომ ხარისხი არ არის ფასების შესაბამისი და საჭიროებს კონტროლს. სწორედ ამიტომ,  გადავწყვიტეთ შეგვექმნა პეტიცია, რათა ხალხს დაეფიქსირებინა საკუთარი პოზიცია და მონაწილეობა მიეღო პრობლემის გადაჭრაში. პეტიციის მიზანია შეგროვდეს საკმარისი ხელმოწერები კანონპროექტის პარლამენტში წარსადგენად, რათა გამკაცრდეს კონტროლი ადგილობრივად წარმოებულ და უცხოეთიდან იმპორტირებულ პროდუქტზე. შემოწმდეს რამდენად უსაფრთხოა ის ადამიანის ჯანმრთელობისთვის, შეესაბამება თუ არა ხარისხის დადგენილ ნორმებს და მზადდება თუ არა ნატურალური ინგრედიენტებისგან.